|
O PRIMEIRO TEMPORAL
DO OUTONO 2011
Cumprindo
as predicións de días pasados, o domingo
23 de outubro chegounos a primeira borrasca do outono. A presión
atmosférica tivo unha baixada ordenada e regular de 17
mb en 24 horas. Ás tres da madrugada do 24, empezou a
subir.
O vento
arreciou entre as 12 e as 18,30 h., sen baixar,
practicamente, dos 50 Km/h, e chegando aos
74 Km/h, ás
16,30 h.
A choiva
foi significativa a partir das 14,30 h., chegando
a arreciar sobre as 18,30 h., acadando unha intensidade
de
174,6 litros por hora. En total, entre as 12 h. e as
6 h. do día 24, recolléronse
44 l/m2.
................................................................................... |
|
UN MES DE
OUTUBRO CALOROSO
Este mes
de Outubro de 2011 si que vai batendo records.
Polo
momento, primeira quincena do mes, e xa temos
record de
temperatura máxima
e de seguir así, non se albiscan cambios a curto prazo,
bateremos outros tamén.
Estamos
falando, claro está, sobre datos recollidos na Estación
Meteorolóxica de Cangas no período dos últimos 25 anos.
Podemos resumilo nunha táboa:
|
TEMPERATURAS OUTUBRO |
|
CANGAS |
HISTÓRICO |
2011 |
|
Máxima Absoluta |
30º |
32,8º |
|
Media das Máximas |
20,6º |
26,7º |
|
Media |
16º |
21,1º |
|
Media das Mínimas |
11,5º |
16,9º |
|
Mínima Absoluta |
3,5º |
13,3º |
E
das
precipitacións
xa falaremos, porque a data de hoxe, o mes
históricamente máis chuvioso do ano, cunha media de
195,3 l/m2,
leva nesta estación un rexistro de
0,0 l/m2
MeteoCangas, 14 de outubro de 2011
................................................................................... |
|
UN MES DE SETEMBRO
SECO
O pasado xoves, 29 de setembro,
publicaba o Faro de Vigo un artigo co seguinte titular:
"El
septiembre más seco en 40 años".
Se o que se busca é chamar a atención, sensacionalismo,
vale, pero a afirmación é falsa e os datos que aporta no
artigo, confusos: unha erronea interpretación do que son
valores medios.
Na
estación de Cangas recollemos datos dende fai 25 anos, e
o setembro deste ano non foi o máis seco. Vexamos en que
lugar está:
1º.- 1989 con 5,2 l/m2
2º.- 1988 con 11 l/m2
3º.- 1997 con 12 l/m2
4º.- 2007 con 12 l/m2
5º.- 2011 con 16,8 l/m2
Hai tres anos máis con menos de 20 l/m2.
Outra cousa é a precipitación media, que no mes
de Setembro en Cangas é de 69,4 l/m2.
Isto quere dicir que é un mes irregular en
precipitacións. Así como a terceira parte dos anos non
chegou aos 20 l/m2, outra terceira parte dos
anos pasou dos 90 l/m2.
Resumindo: o mes de setembro pasado non foi excepcional.
O ano actual está sendo, polo momento, máis seco que a
media. Levamos recollidos 531 l/m2
cando os datos medios ata esta data, serían de 703
l/m2. Veremos como veñen os seguintes
meses, que soen ser os máis chuviosos do ano, para ver
en que queda.
O ano que menos choveu foron 740 l/m2. Se non
chegaramos a esa cantidade, si que teriamos o ano máis
seco dos últimos 25.
Pero quedan tres meses que ningún ten unha media de
menos de 150 l/m2.
Que chova! |
|
................................................................................... |
METEOROLOXÍA POPULAR
Mes de
Abril
Marzo airoso, abril chuvioso, maio pardo e san Xoán claro
valen máis que os bois e o carro.
---------------------------------------
Marzo venteiro e abril chuvasqueiro,
enchen en maio
de frores o eido.
----------------
Xaneiro, xiadeiro; febreiro, febreiceiro;
marzo, aireoso; abril, augas mil e
maio, pardo e san Xuán, claro,
valen boi e carro.
-----------------------
A
lama de agosto e o vento de abril,
Dios nos libre
dil.
Abril, abrileiro, auga na cara e no leiro.
Abril, abrilón, auga por un tubo e pode que trebón.
Abril fai meter a porca no cubil.
Abril frío e mollado enche o arquiro e mantén o gado.
Abril frío, fornos quentes, alegría prós meus dentes.
Abril frío, moito pan e pouco viño.
Abril, mata a porca no cubil e non deixa as portas abrir.
Abril,
penduril; maio, en graio; en San
Xuán, ségase o pan.
Abril quente e mollado, carga o carro i engorda o gado.
Abril, se por mal quere vir, as portas non deixa abrir.
Abril, si por mal quere vir, nin as portas deixa abrir.
Abriles e señores, os máis traidores.
Adoecido abril, cando non does nas costas does nos cadrís.
Auga de abril enche o carro i o carril.
Auga de abril mata a porca no cubil i a auga de maio mata a
porca nun ano.
Auga de abril vale cabalos mil.
Chova en abril e maio e non chova en
todo o ano.
Despois de abril a auga *solo vén detrás do tamboril.
En abril augas
mil, caben todas nun candil.
En abril augas
mil, pero todas han caber por un funil.
En abril
chuvias ir e chuvias vir.
No mes de abril fai queixos mil.
(Fonte: Taboada
Chivite, X. Refraneiro Galego. Xunta de Galicia, 2000)
|
|
Mes/Ano
