A VÍA RÁPIDA XA NON LLES VALE,... AGORA A POLA SEGUNDA PONTE!!! |
|
|
|
Alucinante desbarre sobre as comunicacións e a segunda ponte
Aí expresan perfectamente o auténtico sentido desta ponte: "... Cangas, vila que pretende convertirse nunha cidade de 50.000 habitantes nos próximos 10 anos da man dun PXOM a ponto de ser aprobado, que aí o prevé, coa construcción dun gran centro comercial en Salgueirón, ao pé da ponte, onde tamén se ubicará, ao lado do museo da Balea, o maior porto deportivo da ría e un importante hotel,..."
Queda claro, ¿non?
Esta é a montaxe feita polos empresarios para
demostrarnos a viabilidade do seu "maravilloso proxecto", que
explican así: "Como as cousas non se conseguen sen traballo e a única maneira de ser creíbles é plasmando as ideas en documentos que poidan ser presentados e xuzgados cos datos na man, a CEP, tras constituír unha Comisión de estudo, encarregou a uns profesionais vigueses que plasmaran a idea que agora se expón..." "Ser creíbles", - din - ¡Vaia morro! |
|
Obviamente, se
usaran unha imaxe real e non barquiños de papel que se poden reducir ata
conseguir o efecto desexado, xa non terían tan fácil "ser creíbles". Esta é unha foto real obtida o 15 de outubro de 2006 ás 18:20 h. cando o Arcadia (o mesmo barco que eles pintan) pasa por diante da Punta da Balea. ¿Non é un delito manipular información e falsear a realidade na procura dun beneficio particular? |
------- |
¡Que fácil pasar por riba do Queen Mary 2!
|
¡Que nos pinten a ponte nesta foto na que está o Queen Mary 2 entre as dúas puntas que queren xuntar, a ver que chapuza fan aquí! ¡Se son capaces de pasar por riba deste barco cunha pendente do 2%,... Premio Nobel! |
A AMBICIÓN DESMEDIDA DOS ESPECULADORES NON TEN LÍMITE FAN CREAR UNHA NECESIDADE DE COMUNICACIÓN, ONDE SÓ HAI O INTERESE DE REVALORIZAR ATA COTAS INSOSPEITADAS AS PROXECTADAS URBANIZACIÓNS DE SALGUEIRÓN E ALDÁN Non teñen escrúpulos en alterar a singular e simpar paisaxe das nosas rías no seu beneficio. A proxectada urbanización de Salgueirón onde pretenden meter un faraónico proxecto de Norman Foster, e o super-mega-porto deportivo que se pretende montar na zona, necesitan dunha comunicación "acorde" co nivel dos compradores, que terán que vir de fóra. Está claro que o acceso ás super-residencias e aos amarres dos mega-iates non pode pasar polo medio do casco urbano de Cangas. Así non se vende ben ese tinglado. Necesitan unha vía de comunicación que convirta a toda esta zona do Morrazo nun bairro máis de Vigo. Necesitan poñer nos folletos de venta, "residencias e porto deportivo a 5 minutos do centro de Vigo", senón mal teñen o negocio. Para o proxecto especulador sobre terreos usurpados aos veciños de Aldán, fixéronlle a vía rápida, que agora queda demostrado que non é a maravillosa vía de comunicación que anunciaban. Como despois do despilfarro de cartos públicos e do destrago dos montes do Morrazo non ven logrados os seus obxectivos, agora van a pola ría e polo que queda sen estragar nos nosos montes e vales. O novo proxecto dunha nova ponte entre Alcabre e Balea, para o que estes personaxes están a poñer toda a carne no asador, acabaría por desfacer o que queda do espacio natural da Punta Balea, e dende aí unha nova vía arrasando os bairros de Balea e San Roque, e pola Serra Poente e Varalonga chegar a unir coa vía rápida en Aldán. A estes elementos non hai quen lles poña freo. As nosas hortas son deles, as nosas casas son deles, os espacios verdes e comunais, as augas da ría e a beiramar, non son de todos, son deles. José Saramago: "Vivimos nunha plutocracia, gobernados polos ricos" ¡¡¡ ATA CANDO!!! Voces contra a globalización: "Outro mundo é posible" (Video) |
|
¡¡¡ATENDE, caixanova... Caixanova apoia o porto deportivo de Balea e o proxecto de urbanización dos terreos de Massó, agora tamén garante o financiamento da segunda ponte sobre a ría, asina un convenio de colaboración con APROIN,... Pois se Caixanova escolle tales compañeiros de viaxe a apoia proxectos que van contra os intereses do pobo de Cangas,... será que as contas correntes, pago de nóminas e demais productos que lle poidamos consumir os veciños de Cangas non lle son de interese. Tomamos nota, e dende logo, que cos nosos cartos non van facer o seu negocio a conta de estragar a nosa terra. ... NON COS NOSOS CARTOS!!! |
AS MENTIRAS DA CEP Din os empresarios da CEP na súa propaganda publicada na prensa a toda plana e a todo color: "Desde las dos orillas hasta la zona en que se anclarían los pilotes del puente habría 750 metros de longitud. La pendiente en cada extremo del puente sería de un 2 por ciento, y la altura a la que estaría la plataforma del agua sería de 80 metros." Pois ben, só é necesario facer unha conta, nivel de primaria, para descubrir que minten descaradamente: Para acadar 80 metros de altura cunha pendiente de 2% precísanse 4000 metros de longo. ¡Acábaselle a ría antes de conseguir os 80 metros de altura! En outro panfleto dos que publica esta xente, falan de que a ponte partiría en cada marxe dende a cota 20 m. Deste xeito só faría falla subir 60 m ata acadar os 80 m a que tería que estar a plataforma central. ¡Nin con esas! |
|
Precisarían 3000 m para acadar esa altura, que son os que ten de ancho a ría nese punto. ¿E para dicir estas burradas necesitan dous anos de estudio? |
OPINIÓNS E COMENTARIOS DOS LECTORES/AS:
Luns 23 de Outubro de 2006 ás 22:20:54 Veñen agora tratar de vendernos un "pacto contra a corrupción urbanistica". Se hai corrupción que a xulgue a Xustiza. O que hai que conseguir é unha moratoria formal e seria do urbanismo, e por en venta ou aluguer as vivendas xa construidas.
Destruir todos os paseios fluviais e
marítimos, e devolverlle á Terra o que lle corresponde.
Martes 17 de Outubro de 2006 ás 23:09:11
Luns 16 de Outubro de 2006 ás 11:13:14
|