O Morrazo, a máis meridional
das penínsulas galegas, eleva o seu relevo entre as rías
de Pontevedra e Vigo, que a bañan coas súas ondas polo Norte
e Sur respectivamente. Aínda que estamos ante a
comarca galega con maior número de hab/Km2, a excepción
das cidades de Vigo e A Coruña, podemos presumir dun patrimonio
natural notable, iso si, suceptible de ser mellorado. Os amantes da natureza disfrutamos
de lugares como a enseada de San Simón e marismas de Vilaboa, cabo
Udra, o espacio natural protexido de cabo Home, costa da Soavela e dunar
de Nerga-Barra, Carballal de Coiro, ...
Ver afección da vía rápida nos espacios protexidos: Montes do Morrazo - Carballal de Coiro |
POZA DA MOURAESPACIO NATURAL A PROTEXERA Poza da Moura é unha pequena área duns 5m de diámetro, na que se embalsa de forma natural a auga do río Muiños, para despois correr augas abaixo formando unha fervenza ata o núcleo urbano de Domaio, concello de Moaña. A paraxe é dun enorme interese paisaxístico e natural, aparte do cultural e histórico, polas lendas e os muíños de auga existentes. Na actualidade está alterada pola actividade dun campo de golf. |
|
CARBALLAL DE COIRO Espacio Natural Protexido polo Decreto 242/1989 Conta cunha superficie aproximada de 365 Has. localizadas nos lindes dos concellos de Bueu, Cangas e Moaña. A
árbore dominante é o carballo (Quercus robur), acompañando a este outras árbores
autóctonas coma o castiñeiro e a cerdeira, e outras aloctonas, en
concreto abonda a falsa acacia (Robinia pseudoacacia). Loureiros, sanguiños, estripeiros, … son algúns dos arbustos que forman parte do
sotobosque, sen esquecernos da xilbarbeira (Ruscus aculeatus) especie que
forma a asociación vexetal que define científicamente as nosas carballeiras
co nome de Rusco aculeati-Quercetum roboris. Baixo esta
cuberta vexetal viven distintas especies de flora e fauna que nutren de vida
estes bosques. Paxariños coma os pimpíns, ferreiriños, gabeadores; aves de
rapiña diurnas coma o azor, gabián, miñato; nocturnas como a avelaiona ou o
moucho de orellas, a curuxa, son algúns dos representantes da avifauna. Entre os mamíferos
citamos a presencia do raposo, xabarín, teixugo, xeneta, esquío, … ademáis
da comunidade de roedores e micromamíferos como os musgaños. |