|
Mércores,
29 de marzo de 2006
Luita
Verde denuncia que a Administración Pública, Concellos, Mancomunidades e
Xunta de Galicia, son as grandes culpables da lamentable situación do
transporte colectivo no Morrazo, na ría de Vigo e por engadido de toda
Galicia.
Mala
ou nula regulación (as empresas concesionarias no Morrazo, tanto Mar de Ons
como principalmente Monbus, incumpren moitas das cualidades do servicio e en
vez de potenciar o uso do transporte colectivo producen o efecto contrario
no usuari@, falla de incentivos económicos e deficiente estado das
infraestructuras teñen a culpa, pero sobre todo a falla real dun Plan autonómico
de mellora e divulgativo e educacional de fomento do uso do transporte
colectivo. Por outra parte sigue estando tamén o apoio económico e
institucional da Xunta e do Estado para a construcción de máis e meirandes
estradas (vías rápidas, autovías e autoestradas), modelo este impactante
que prima a utilización do transporte privado en detrimento e precariedade
do transporte colectivo, e o exemplo máis próximo o temos na recen construída
da vía rápida do Morrazo, que ameaza con facer diminuír no futuro a xa de
por si precaria utilización do transporte colectivo da actualidade.
Con
respecto á recente sentencia da UE obrigando á Xunta de Galicia a liberar
a concesión empresarial do transporte marítimo na ría de Vigo, só
obedece ao modelo neoliberal de xestión que promulga este Ente,
corroborado no último borrador da Constitución Europea, onde entre
outras cousas avogaba por un crecemento do libre mercado en consonancia coa
sostibilidade e o respecto polo medio ambiente, feito que dende Luita Verde
rexeitamos por canto aí realmente o que se reflexa é unha
incompatibilidade dun modelo co outro. Luita Verde ve esta futura apertura
do mercado no transporte marítimo como un perigo, tanto para a economía e
a atención de cara @ usuari@ , pois as empresas priorizan o beneficio económico
ao servicio social (como sucede coa súa priorización do servicio ás Illas
Atlánticas a conta das altas tarifas e elevada afluencia de visitantes do
turismo no verán) como tamén para o medio ambiente e a
propia seguridade marítima ante a posibilidade de
masificar o tránsito de barcos de varias compañías á mesma vez pola ría.
Luita
Verde avoga e defende un servicio público de transporte colectivo, tanto
por terra como por mar, regulado e subvencionado, coa maior diversidade de líneas
e de franxas horarias, básicamente dirixido aos núcleos residenciais
urbanos e rurais nos concellos do entorno da ría e sin esperar pola
regulación da Área Metropolitana, xa que a fin e a contas e debido á
elevada demografía e o previsible
aumento de poboación no futuro, somos os auténticamente necesitados. Polo
contrario solicita o recorte e o control das líneas ao Parque Nacional das
Illas Atlánticas, como medida de precaución e protección medioambiental.
Luita Verde resalta que o transporte colectivo é necesario non só como
unha alternativa aos atascos no futuro senón porque
sobre todo pode ser a alternativa á construcción de máis impactantes
estradas (a construcción da vía rápida do Morrazo por exemplo, supuxo un
impacto ambiental enorme, vai subir espectacularmente o parque automobilístico
na comarca é no máis inmediato futuro, principalmente no verán, vai
provocar máis atascos, accidentes, contaminación, etc.) e á
sobreutilización do transporte privado, básicamente do automóbil, que
actualmente supón a segunda causa da contaminación atmosférica detrás da
industrial en Galicia, con máis do 16% de emisións de dioxinas á atmosfera.
|
O
Morrazo, 3 de decembro de 2005
NOTA
DE PRENSA:
Ante
a apertura da vía rápida do Morrazo, esta Plataforma, que loitou desde
hai máis de dez anos contra esta obra, manifesta:
Opuxémonos
desde un principio a esta vía polo gravísimo dano que ía causar á nosa
comarca, e o máis grave, porque ese dano non estaba recoñecido,
estudiado nin avaliado en ningún dos estudios previos obrigatorios para
semellante obra.
Denunciamos
a falla dun estudio hidrolóxico, e hoxe xa vemos as consecuencias na seca
de mananciais e pozos, e nas riadas destructivas que se producen a nada
que chove como é habitual na nosa terra.
Denunciamos
a agresión ao Patrimonio Histórico cando nos estudios de impacto
aseguraban que non había “ningún” xacemento arqueolóxico afectado,
nin os Concellos reclamaban tal existencia (véxanse as alegacións
presentadas polos Concellos), cando foron máis de 30 os xacementos
catalogados os que foron afectados, 7 deles destruídos totalmente e 8
parcialmente. Os incapaces edís que non reclamaron a súa defensa no
momento, hoxe gábanse dos “grandes achádegos” obtidos nas excavacións
de urxencia realizadas, sen laiarse do que xa está perdido para sempre.
Denunciamos
o alto custo que para o medio natural e social supuña esta obra, un alto
custo que pagábamos os do Morrazo para o beneficio duns especuladores de
fóra que agardaban facer un gran negocio nos montes usurpados aos veciños
de Aldán, principal finalidade desta obra, como quedou claro na tramitación
do Plan Xeral de Cangas.
Opuxémonos
a esta vía porque entendemos que non é esta a solución para os
problemas de comunicación desta comarca, e presentamos alternativas
viables e racionais que aínda entendemos prioritarias e inexcusables para
o verdadeiro desenvolvemento do Morrazo. Algún “iluminado” aínda ve
nesta obra a saída das cavernas, cando non hai no século XXI comunidade
que avance sen unhas axeitadas vías de circunvalación urbana, sen un
moderno e eficaz servicio de transporte colectivo, ou sen uns equipamentos
sociais acordes cos tempos. Sempre defendimos unha xestión máis racional
dos recursos que se ían despilfarrar nesta obra. Se nestes 10 anos se
houberan invertido os 96 millóns de euros que costou, no plan de melloras
que propuxemos naquel momento, agora seriamos unha comarca moderna e ben
equipada. Por ter uns políticos gobernantes miopes ou ao servicio de
intereses alonxados dos verdadeiros da cidadanía, seguimos dependendo de
Vigo para a prestación de servicios básicos e indispensables (sanidade,
por exemplo).
Desde
esta Plataforma loitamos contra esta aberración por tódolos cauces
legais á nosa disposición, e non atopamos comprensión nin amparo en
ningunha das institucións ás que recurrimos. Valedor do Pobo, Tribunal
Superior de Xustiza de Galicia, Comisión Europea ou Parlamento Europeo,
quitáronnos do medio con resolucións ou sentenzas pouco habituais e ao
noso entender, incomprensibles.
Seguiremos
loitando por outro modelo de mobilidade, pois estamos convencidos, de que
as políticas de transportes e comunicacións non poden guiarse por
intereses políticos coxunturais nin de especulación urbanística. A
irresponsable política de fomentar e favorecer o transporte en vehículos
privados nos levará sen remedio ao caos circulatorio. Se tratamos de
solucionar os atascos con máis vías, simplemente trasladaremos o
problema no tempo e no espacio, pero non o solucionaremos. Seguiremos a
ter atascos, en outros lugares e cada vez máis graves. Proporase ampliar
as vías ou facer outras novas, pero o problema seguirá sen resolverse.
Agora
nos venden como un logro chegar a Vigo en 20 minutos. Non contan o tempo
que perdemos nunha cidade ateigada de coches para desprazarnos ou atopar
un aparcamento. En barco tamén estamos en 20 minutos. Só temos que
presionar para ter un servicio de máis calidade, máis barato e con
mellores combinacións. Sairemos todos gañando.
|
1
de novembro de 2005
Nota
da Plataforma Contra a Vía Rápida do Morrazo:
É lamentable que o Concello de Cangas se acorde agora de facer informes dos
problemas que xenera a vía rápida, cando se negou a facer a mínima
alegación nas fases de proxecto e realización da obra, considerando, e
así sempre o dixeron, que o disposto polos técnicos non era discutible (os
que proxectaron e realizaron esta obra foron os seus amigos da Consellería
do PP).
Os
membros desta Plataforma por denunciar a ausencia dun estudio hidrolóxico
no proxecto, e dun estudio detallado dos impactos que ían afectar ás augas
da comarca, ademáis de avisar sobre as consecuencias que hoxe empezamos a
constatar, foron obxecto de insultos por parte de personaxes como o José
Enrique Sotelo, que nunca se molestou en defender á Comarca das agresións
que esta obra produciu sobre a paisaxe, as augas, o entorno natural ou o
patrimonio cultural.
Ver
aquí as previsións que nós fixemos no seu día
|
3
de decembro de 2003
O
Parlamento Europeo considera admisible a nosa petición e decide comezar
actuacións sobre os diferentes aspectos do problema.
|
22
de novembro de 2003
No
verán de 2001 formulouse a Declaración de Impacto Ambiental (D.O.G. 16 de
agosto de 2001), impoñendo unhas condicións para a protección das augas,
da paisaxe, do patrimonio, etc.,
|
5
de setembro de 2003
A
Plataforma Anti-Vía Rápida do Morrazo, diante dos últimos acontecementos
que se están a producir coa realización das obras da VR, queremos
manifestar o seguinte:
|
10
de xullo de 2003
A
Plataforma Anti Vía Rápida do Morrazo mantivo unha xuntanza co novo equipo
de goberno do concello de Moaña o xoves da semana pasada.
|
Abril
2003
A
CONSELLERÍA DE OBRAS PÚBLICAS BÚRLASE DO MORRAZO.
|
28
de marzo de 2003
A
Plataforma Anti-Vía Rápida do Morrazo recibiu recentemente resposta do
Valedor do Pobo á última reclamación que se fixo en xuño de 2002
denunciando o incumprimento por parte da CPTOPV das condicións establecidas
na D.I.A.
|
|