|
¿É
realmente a vía rápida unha solución para as comunicacións
da comarca?
Estamos convencidos
de que non. Non representa
ningunha ventaxa para a comunicación entre as vilas da comarca.
Non soluciona os atascos do verán,
só os traslada a outros puntos, ás saídas, ás
estradas locais, ao peaxe da autoestrada. Aínda
máis, os atascos agravaríanse.
Só temos que ver para outros lugares onde antes que aquí
tiveron xa problemas, e máis graves. En Inglaterra,
unha Comisión Real presidida polo prestixioso científico
e conselleiro gubernamental, Sir Jhon Houghton, chegou a constatar que
a construcción de estradas por sí
mesma produce tráfico, e propuxo a
paralización de tódolos programas de construcción
de estradas e o desvío do diñeiro, á mellora e financiamento
do transporte público. O informe
do Worldwatch Institut de Washington sobre A situación
no mundo (1994), afirma que, a máis
e mellores estradas, máis tráfico, polo que a medio prazo
as melloras en estradas autoanúlanse
e precisan de novos investimentos nelas. Aproveitemos
pois a experiencia, e non vaiamos caer no mesmo erro.
¿Cal
é a solución ao problema do transporte? 
Se analizamos
a situación actual poderemos ver onde reside o problema.
Hai
demasiados vehículos na estrada e hai que estudiar a causa que provoca
a necesidade de desprazarse cada vez máis.
Se todas e todos os que traballan en Vigo se desprazaran ao seu traballo
no seu coche privado, ou decidiramos facer todas as compras nos hipermercados
da cidade, aparte de arruinar ao pequeno comercio da comarca, atopariamonos
con enormes problemas para movernos, por estas estradas ou polas mellores
autoestradas. Semellante
sería a situación que se produciría se nun estupendo
día de verán, decidimos todos coller os nosos coches para
ir ás mellores praias da comarca. O colapso sería descomunal
en calquera tipo de estrada. Estas situacións
que hoxe nos parecen esaxeradas, poida que non o foran tanto a curto prazo,
se non se fai nada para correxir a actual tendencia. A solución
está en reducir a necesidade de desprazarse.
Se cada un que se ten que desprazar á cidade analiza a causa de
ter que facelo, observará unha deficiencia da nosa comarca. O progreso
da comarca non é conseguir entrar e saír mellor. O progreso
é non ter necesidade de saír, reducir a nosa dependencia
das cidades próximas. Somos máis de 60.000 cidadáns
e cidadanas que merecemos mellores servicios. Por outra
parte, é necesario potenciar o transporte
público para reducir a dependencia
do vehículo privado. Se houbera un transporte cómodo, rápido
e económico, moita xente que se ten que desprazar á cidade
a diario, non dubidaría en utilizalo, pois aforraría molestias,
tempo e cartos. Adoptar estas
medidas, debera ser o obxectivo dunha política que mirara cara ao
futuro: reducir a necesidade de desprazarse, non a posibilidade, e orientar
a demanda cara a modos máis eficientes de transporte que significaría
menor consumo de enerxía, de contaminación, de ruído,
menor ocupación de espacio, menos accidentes, menor inversión
en infraestructura viaria e mellor habitabilidade nas vilas.
Pero a política
actual vai noutra dirección, a pesar de coñecer os informes
do Worldwatch Institut, onde avisa que pretender xeneralizar o modelo
americano e da Europa rica, conduciría a unha crise ambiental e
de recursos de proporcións inimaxinables que faría a vida
imposible.
A política
actual dos ministerios e consellerías do sector, só responde
a intereses das multinacionais do automobil e das empresas constructoras
de infraestructura viaria, e por iso fanse enormes inversións públicas
en obras ao servicio do automobil, mentras se abandona o transporte público
ou se suben as tarifas porque se di que produce déficit, sen ter
en conta que este queda amplamente compensado polas ventaxas que produce
en aforro enerxético, de ruído, de contaminación,
de infraestructuras e de conxestión viaria.
É
irresponsable toda proposta que fomente o uso do transporte individual,
pois a curto ou medio prazo a situación pódese volver irresoluble.
A ría
é a comunicación máis curta, máis económica
e de menor impacto entre Vigo e O Morrazo,
e non entendemos que mentras se fala de revitalizar o transporte público
marítimo, se potencie o uso do coche privado como único medio
de transporte. Apostar polo transporte marítimo, suporía
reducir o número de coches da estrada, co que se faría innecesaria
a construcción dunha nova.
Sendo conscientes
de que nin hoxe nin nos próximos anos albíscase posibilidade
de cambio na política de transportes, e que polo tanto non imos
conseguir unha solución de futuro e de progreso, temos que tratar
por tódolos medios de non hipotecar ese futuro, ese progreso, cunha
obra ruinosa, cara e inútil. A vía rápida non é
solución nin para hoxe nin para mañán.
Pódese
mellorar o tráfico, abrindo as circunvalacións das vilas
e mellorando a estrada actual dotándoa de carril para vehículos
lentos e realizando melloras nos cruces que permitan máis fluidez
de tráfico. Estas actuacións non causarían graves
danos e serían de utilidade para tódolos usuarios da comarca.
PROPOSTA
ALTERNATIVA PARA
A MELLORA DAS COMUNICACIÓNS DO MORRAZO
1.
MELLORA DA REDE VIARIA COMARCAL.
2.
CIRCUNVALACIÓNS URBANAS.
3.
REDUCCIÓN DA NECESIDADE DE DESPRAZARSE.
4.
POTENCIACIÓN DO TRANSPORTE PÚBLICO COLECTIVO.
Pódese
evitar a dañina e inútil construcción da vía rápida recurrindo a outras
solucións, tal como aconsellan
todas as directrices de futuro en materia de comunicacións:
1.
Mellora da rede viaria comarcal.
A
estrada da costa, C-550, atópase nun estado lamentable a causa do neglixente
e irresponsable abandono en que se deixou caer.
Lonxe
de acometer actuacións de mellora que resolvan os problemas, adóptanse
medidas absurdas que complican a circulación ata o punto de converter o seu
percorrido nunha aventura de alto risco. Mesmo parece que ese fóra o
obxectivo perseguido.
As
estradas secundarias son estreitas e mal conservadas, carecen de beiravías ou
beirarrúas polo que fan difícil
a circulación de vehículos e perigoso o transito de peóns e ciclistas.
A
ausencia de circunvalacións dificulta o tránsito de vehículos e o movemento
dos cidadáns a pé ou en bicicleta. Impide tamén a expansión ordenada e
racional das vilas.
MELLORAS
NECESARIAS:
a)
Terceiro carril.
En
8 dos 14 Km que hai entre Cangas e a Ponte de Rande, é posible anchear a
C-550. Admitiría carril para vehículos lentos, carrís de desvío e
incorporación, e beiravía para peóns e bicicletas.
b)
Paradas de autobús fóra da calzada.
Entre
Cangas e Ponte de Rande hai unhas 15 paradas en cada sentido, que supoñen
outras tantas retencións para o tráfico, por ter que deterse os autobuses
en plena calzada.
c)
Rotondas.
Substitúen
ós semáforos e melloran a fluidez do tráfico. Solucionarían cruces como
os de Domaio-Cemiterio, A Borna, A Guía, ...
d)
Semáforos intelixentes.
Detectan
por sensores a presencia de vehículos e actúan só cando é preciso.
Melloran a fluidez da vía primaria sen perxudicar os accesos dende vías
secundarias.
e)
Pasos elevados ou subterráneos para peóns.
Melloran
a fluidez do tráfico e a seguridade das persoas.
f)
Mellora das estradas secundarias.
Portal
do Cego - Ameixoada - Coiro
Coiro
- A Madalena
A
Madalena - Herbello - Rozabales …
… … … … … ...
Estradas
con menos de 5 metros de ancho que se deben adecuar para mellorar a
comunicación do rural e desconxestionar a C-550.
g)
Circunvalación de núcleos rurais
Abelendo,
Ameixoada, …
Núcleos
de poboación que se deben circunvalar dada a imposibilidade de ampliar a
estrada neses tramos. Ó mesmo tempo, mellorarían as condicións de vida e
a comunicación entre a veciñanza, gañando espacio para a convivencia, e
seguridade para os seus habitantes.
2.
Circunvalacións urbanas.
Cangas
e Moaña téñenas aprobadas nos seus planeamentos, e sería posible realizar estudios serios da viabilidade das actuais ou propoñer outros
trazados.
Suporían
5 Km de novo trazado que evitarían o paso polos centros urbanos, humanizando
a vida das vilas e mellorando a fluidez do tráfico.
3.
Reducción da necesidade de desprazarse dotando á comarca
dos servicios e equipamentos axeitados para unha poboación de 60.000
habitantes, que por non telos, obrígannos a perder tempo na estrada para
chegar a eles. (Hospital, delegacións administrativas, instalacións
deportivas, de ocio, etc.)
4.
Potenciación do transporte público colectivo,
especialmente o marítimo como opción de futuro fronte ó problema do tráfico. Son
posibles novas liñas marítimas entre diferentes puntos: Nerga, Meira, Domaio,
Ríos, Teis, Bouzas, ..., liñas directas ás praias no verán, e liñas de
autobuses coodinadas que faciliten o transporte público integral dende
calquera lugar.
Subvención
oficial que permita os bonos-desconto de utilización en distintas liñas e diversos medios.
¿Por
que non se comeza por estas actuacións, que serán necesarias con ou sen vía
rápida?
Teriamos
unha comarca con modernas vías e medios de comunicación, preparada para
situacións futuras que xa vemos perto, e sobre todo, cunha calidade de vida
á altura dos tempos que vivimos e que tamén merecemos.
|
|
AS PROPOSTAS ALTERNATIVAS DA PLATAFORMA ESTÁN NA LIÑA DAS DIRECTIVAS EUROPEAS E DOCUMENTOS
POLO DESENVOLVEMENTO SOSTIBLE, ASINADOS POR TÓDOLOS PAÍSES DEMOCRÁTICOS.
Citaremos algúns:
Carta
de Aalborg (1994): “Es indispensable reducir la movilidad forzada y dejar
de fomentar el uso innecesario de vehículos motorizados. Daremos preferencia a
los medios de transporte respetuosos con el medio ambiente (en particular los
desplazamientos a pie, en bicicleta o en transporte público) y situaremos en el
centro de nuestros esfuerzos de planificación una combinación de estos
medios.”
Carta
de Lisboa (1996) (Suscrita por 1.000 autoridades locales y regionales de
toda Europa): “La estabilidad
social y la equidad deben basarse en una economía sostenible que esté basada
en la capacidad de la naturaleza, es decir, en la sostenibilidad medioambiental.
La planificación del desarrollo sostenible debe integrar los aspectos
medioambientales en los aspectos sociales y económicos”.
Declaración
de Hannover de los líderes municipales en el umbral del siglo XXI
(2000) (Suscrita
por la Federación Española de Municipios y Provincias–FEMP): “Los
líderes municipales de Europa y de las regiones vecinas, reconocemos que a
pesar de los esfuerzos para mejorar el medioambiente, la mayoría de las
tendencias medioambientales globales y europeas producen una gran preocupación:
muchas de las causas de esta situación de deterioro tienen su origen en la
contaminación del aire, el ruido y la congestión del tráfico,
que al mismo tiempo son causados por el efecto de los habitantes de las ciudades
y municipios en sus vidas diarias.”
AGENDA
21 LOCAL (Subscrita polo Goberno Español)
“Desarrollar
y promover, según proceda, sistemas de transporte económicos, más eficientes,
menos contaminantes y más seguros, en particular sistemas de transporte
colectivo integrado rural y urbano, así como redes de caminos ecológicamente
racionales, teniendo en cuenta la necesidad
de establecer prioridades sociales, económicas y de desarrollo sostenibles,
particularmente en los países en desarrollo;
Desarrollar
o perfeccionar, según proceda, mecanismos para integrar las estrategias de
planificación del transporte y las estrategias de planificación de
asentamientos urbanos y regionales, con miras a reducir los efectos del
transporte sobre el medio ambiente.”
|
|
PROXECTO
GALICIA 2010
Galicia 2010 é unha análise realista da
orientación económica e social de Galicia nos vindeiros anos, feito por
persoas coñecedoras da realidade actual e das súas tendencias, dos problemas e
das súas solucións, do que é posible e do que é conveniente. Tratase de
facer algo útil, achegar ideas e propostas que nos permitan ter unha percepción
máis clara sobre o noso inmediato futuro. Participaron máis de 160 persoas e
foi promovido por Banco Pastor, CaixaGalicia e Caixanova . Do relatorio dedicado
ao Medio Ambiente, entresacamos estes paragrafos:
“As infraestructuras
viarias constitúen un armazón de feridas e cicatrices no
territorio, a súa construcción da lugar a problemas, dende a diminución
das comunicacións a nivel local, tanto para persoas coma para animais, á erosión
en montes e vertido de escombros en ríos e cauces. O
transporte deberá medrar de forma que a incidencia ambiental sexa a menor
posible e asumida de forma consensuada pola sociedade galega."
"O fomento do
transporte por estrada de mercadorías e persoas induce un excesivo incremento
no consumo de combustibles e na
emisión de CO2. Por outro lado, a agresión física
derivada da construcción desas grandes infraestructuras, erosión e
perda de masas forestais, é un impacto nada desexable."
"Deberase
ser restrictivo na autorización de novas autovías, e sí parece preciso
envorcarse na mellora das vías comarcais que fagan
máis segura a mobilidade no ámbito rural e sexan un índice da súa calidade
de vida. O transporte de viaxeiros por autobús nestes contornos terá
que ser unha alternativa segura, flexible e de calidade.”
|
